CAGAYAN DE ORO CITY-Gikasuhan na sa kapolisan ang driver ug helper sa trak nga gikargahan sa mga illegal nga kahoy nga unang naharang diha sa Jasaan, Misamis Oriental.
Giila ni Jasaan Municipal Police Station commander Police Sr/Insp. Dennis Ebsolo nga maoy ilang gikasuhan sa violation sa Presidential Decree 705 o Ilegal Logging ang drayber nga si Ericson Macaraak Lacanlale ug helper niini nga si John Carlo Tare.
Siya miingon nga laraw usab nila nga kasuhan ang tag-iya sa illegal nga kahoy nga gikan pa sa Surigao del Sur apan gitago pa nila ang identity niini alang sa himoong dugang imbestigasyon sa CENRO-DENR.
Sa pagkakaron,giila pa sa PNP ang tag-iya sa maong mga kahoy nga nabawi sa mga otoridad.
