CAGAYAN DE ORO CITY – Gikasuhan na’g reckless imprudence resulting to homicide ug damage to property ang driver sa Chevrolet Colorado nga nakabangga sa sports car diin nag-resulta sa kamatayon sa tulo ka tinun-an sa Brgy Gusa sa syudad.
Kini human miduso’g kaso ang usa sa pamilya sa mga namatay’ng biktima nga sila si Rhett Lester Ang Gaeid;Cameron Lilli Madrid, 21-anyos ug Louise Gail Lagman nga pulos nagpuyo sa syudad.
Gibutyag ni Agora Police Station commander Police Major Julius Clark Macariola IV nga ubos gihapon sa hospital arrest ang suspek nga si Jose Georlin samtang naduso ang kaso sa piskalya kagahapong adlawa.
Dugang ni Macariola nga katungod gihapon ni Georlin nga makapiyansa kon ugaling dili madala sa amicable settlement.Una niini,kalit miliko ang sports car nga gimaneho ni Gaeid hinungdan nabanggaan ni Georlin sa miaging kadlawon.
