CAGAYAN DE ORO CITY-Gisuta sa kapolisan kon dunay foul play sa kamatayon sa driver nga nailang si Roan
Vintulan nga taga Seaside Kolambog Brgy Lapasan ning syudad.
Miingon si SPO3 Ronnie Donasco sa Agora Police Station nga gitutukan nila ang anggulo sa selos kon nganong naghikog ang biktima.
Saysay sa kapikas sa biktima nga si Jessica nga kanunay siyang makadawat sa mga kinomo sa iyang bana oras nga kini magmaoy sa tumang pagkahubog. Kini ang rason nga mibiya kini ilang balay.
Ulahing nakita ang biktima nga nagbitay sulod sa ilang balay gamit ang hikot sa iro.
Dili pa masuta sa mga kapolisan kung unsa ang labing bug-at nga rason sa paghikog sa biktima.
