CAGAYAN DE ORO CITY – Dili na makasaulog kapaskuhan ug pagsugat sa bag-ong tuig ang drayber kinsa disgrasyang naipit patay sa gimaneho niiining forward truck nga kargado sa mga sinakong mais diha sa Oroham,Zayas,Brgy Carmen ning syudad.
Giila ni COCPO traffic enforcement unit investigator Senior Master Sgt Charles Ebueza ang biktima nga si Danilo Aynon,hingkod ang edad ug nagpuyo sa lungsod sa Talakag,Bukidnon.
Subay sa imbestigasyon,gikan sa Bukidnon ang trak sakay ang mga mais kay ihatod unta sa merkado sa Carmen dihang kalit nawad-an sa preno hinungdan sa pagkahaybol niini.
Naipit ang biktima sa gimanehong trak resulta sa hinanali niyang kamatayon.
Nadamyos usab ang duha ka mga nakaparadang sakyanan hinungdang obligasyon usab kini sa agalon sa namatay’ng biktima.
