Gisugdan na sa Department of Social Welfare and Development (DSWD) -10 ang pag-apud sa one-time-cash-ayuda nga balor P5000 ngadto sa 1346 motorela drivers nga narehistro sa transport regulatory body. Kini ang gikompirmar ni Roshiel Galia, ang information officer sa ahensya sa interbyu sa BOMBO RADYO. Gitataw ni Galia ang ayuda alang alang sa mga drivers ug dili para sa operators. Kini nagpasabot nga ang ayuda gidapat sa nga benepisyaryo nga direktang naapektuhan sa dobli-tripli nga pagsaka sa presyo sa lana. Una niini, ubay-ubay ang nadawat nga reklamo sa BOMBO RADYO batok sa mga drivers nga wala makadawat sa ayuda kay wala sila nasulat sa opisyal nga listahan nga gi-endorso sa syudad. Hisayran nga gawas sa tag 5000 cash ayuda, aduna pay tag 2000 pesos nga fuel subsidy nga gihatag gikan sa emergency response fund sa lokal nga kagamhanan ning syudad
