CAGAYAN DE ORO CITY – Atubangon sa mga dinakpan nga gitoohang nalambigit sa ilegal nga droga ang patung-patong nga kasong kriminal sa piskalya sa Lanao del Norte.
Kini human unang milampos sa operasyon ang militar ug kapolisan inuyunan sa PDEA-Iligan-Lanao del Norte Office batok sa upat ka suspected drug pushers sa lugar.
Giila nila ni 43rd Mechanized Infantry Company commander Capt Anthony Gullem nga ubos sa superbisyon ni 4th Mechanized Infantry Batallon commandeer Lt Col. Dennis Mark Malinit ang mga dinakpan nga sila Alchie Mirafuentes Manayaga;Eric Encabo Yap;Mary Ann Mina Yap alyas Indgay ug Edmund Encabo Yap alyas Edu nga pulos nakabase sa Purok 2-B,Pines Village,Brgy Poblacion,Linamon.
Nabawi sa tropa sa gobierno ang 15 gramos nga gitoohang shabu nga dunay street value nga 120-mil pesos;marked money,kalibre 9mm pistol ug punto 38 nga armas,mga bala ug ubang suspected drug paraphernalia.
Nalusob ang mga dinakpan sa suspected drug den diin sila mag-atubang sa illegal drug violation ug pagkupot sa walay mga dokumento nga armas.
