Pito ka sibilyan ang nasamdan human giatake sa drone ang usa ka minibus nga nagdala unta og mga trabahante; usa sa mga biktima kritikal ang kahimtang, segun sa gobernador Vyacheslav Gladkov sa Belgorod region sa Russia,
Sa Leningrad region, giingon ni Governor Alexander Drozdenko nga 19 ka drones ang gipabagsak sa air defense ug ang debris nakadaot sa usa ka seksyon sa oil pipeline duol sa Primorsk port, hinungdan sa sunog.
Wala’y na-report nga kaswalti sa pipeline incident. Ang Primorsk mao ang pinakadako nga oil terminal sa Russia sa Baltic Sea ug kritikal nga hub sa pag-export sa Urals crude oil.
Ang atake nagsunod sa daghang Ukrainian drone strikes sa Primorsk ug Ust-Luga ports sa katapusan sa Marso.
Una niini, giingon ni Ukrainian Commander-in-Chief Oleksandr Syrsky nga ang pag-atake sa mga seaports usa ka estratehikong lakang aron madaot ang ekonomiya sa Russia.
