CAGAYAN DE ORO CITY-Gikompirmar sa Cagayan de Oro City Police Office o COCPO nga nagsugod na ang imbestigasyon sa PNP-Internal Affair Service ubos sa National Police Commission o Napolcom sa tanang pulis nga nalambigit sa pagkamatay sa ilang target personality sa drug buybust operation sa rehiyon.
Miingon si COCPO spokesperson Supt Mardi Hortillosa nga kasuhan sa administratibo o kriminal ang mapamatud-ang dunay kasaypanan sa ilang operasyon.
Hinoon, wala pay nadawat ang COCPO nga reklamo sa mga pamilya gikan sa mga namatay nga suspected drug pusher nga gipamugos sa kapolisan nga “nanlaban” o misukol sa ilang operasyon.
