CAGAYAN DE ORO CITY – Dungan nga nabungkag sa hiniusang puwersa sa Philippine Drug Enforcement Agency 10 kinuyugan sa Philippine Army ug Iligan City Police Office ang dugay nang suspected drug den sa notadong Barangay Saray, Iligan City.
Namahayag si PDEA 10 regional director Atty. Benjamin Gaspi nga nangulo sa operasyon ang ilang Lanao del Norte Provincial Office aron lusubon ang maong suyupanan sa ilegal nga droga sa lugar.
Kabahin sa nadakpan sila alyas Boy Bossing,top regional priority drug personality ingon man sila alyas Aslib ug alyas Clyde nga pulos namuyo sa Saray ug Brgy Tubod.
Nakompiskar sa govt forces ang siyete gramos nga gitoohang shabu ug ubang mga ebedensiya.
Nag-atubang na ang mga dinakpan sa kasong kasupakan sa Comprehensive Dangerous Drugs Act of 2002 sa piskalya sa Iligan City.
