CAGAYAN DE ORO CITY – Na-dismatol sa Philippine Drug Enforcement Agency o PDEA-10 ang suspected drug den nga gipadagan sa drug pusher nga naila nga si Cesario Duetes Jr, hingkod ang edad ug residente sa Golden Glow Subdivision, Upper Carmen ning syudad kagabii.
Sa gilusad nga drug buybust operation, na-aktuhan pa sa mga ahente sa PDEA ang pag-pot session ni Duetes kuyog ang iyang duha ka mga parokyano nga sila Jhonbie Leonozo ug Richard Dotusme, pulos hingkod ang mga edad ug residente ning syudad.
Nakuha sa posisyon sa mga suspek ang 12 gramos nga shabu nga gibana bana ang street value sa 81-mil 600 pesos.
Ning adlawa,dad-on sa piskalya ang mga suspek aron isang-at ang kasong paglapas sa RA 9165 o mas nailang comprehensive dangerous drugs act of 2002.
