CAGAYAN DE ORO CITY – Ipatuman ni kanhi City Mayor Oscar Moreno ang ‘war on drugs’ batok sa mga utok sa mipakaylap sa illegal nga droga dinhi sa dakbayan.
Kini sa higayon nga mahatagan sa laing mandato sa katawhan nga panguluhan ang pagdumala sa dakbayan pinaagi sa Mayo 12 nga eleksyon.
Miingon si Moreno nga dili sayon ang maong suliran sa droga kay mismo ang pamilya nila ang nabiktima usab ug daw nahurot na ang iyang mga luha gumikan sa pagsagubang niini.
Apan pabilin ang iyang baruganan nga sa matag-operasyon,dili angay mahunusan sa kinabuhi kay dako kining supak sa extra judicial killing nga nahimong isyu sa kanhi liderato ni former Pres Rodrigo Duterte.
Gihimo sa kanhi mayor ang mensahe atol sa pakighinabi sa mga molopyo sa Brgy 31 ning syudad kaganihang buntag.
