CAGAYAN DE ORO CITY-Kasuhan sa pagbaligya’g gidiling droga ug pagbaton sa armas ang magtiayon ingon man ang ilang anak lalaki sa piskalya sa syudad ning adlawa.
Nasikop sa search warrant operation sa PDEA-10 ang target nga si Kawki Kapatagan ingon man bana niini nga si Yusouph Kapatagan tungod sa 20 gramos sa suspected shabu diha sa Camella Homes Subd,Upper Balulang sa syudad kagahapong adlawa.
Gibutyag ni PDEA agent Ben Calibre nga nasikop usab ang anak sa magtiayon nga si Johar Kapatagan nga nakuhaa’g kalibre 45 ug 9mm pistol sulod sa kuwarto niini.
Si Kawki ang gitudlo nga lider sa Kapatagan Drug Group diin nag-suplay sa shabu dinhi sa syudad ug Iligan City.
Samtang nakatulo ang mga luha sa bana ni Kapatagan nga si Yosouph dihang nakita niini nga may narekober sulod sa
bulsa sa iyang karsones nga duha ka dagkong sachets sa gitoohang shabu.
Kini human gisusi sa search team sa PDEA-10 ang lawak sa magtiayon sa ilang tulo ka andana nga balay sa Carnation-Fushia Streets,Camella Homes Subd sa syudad.
Namugos ang magtiayon nga planted evidence ang mga shabu nga nakuha gikan sa ilang pinuy-anan.
Mismo si RTC Branch 18 1st Vice Executive Judge Marites Filomena Rana-Bernaldez ang naglugwa sa search warrant batok sa magtiayong Kapatagan.
