CAGAYAN DE ORO CITY – Nakompiskar sa kapolisan gikan sa drug pusher suspek ang balor 120-mil pesos nga gitoohang shabu nunot sa buy bust operation nga gihimo sa Aranita St. Brgy Poblacion, Iligan City.
Subay sa report,giila ang suspek nga si Johannes Adlai Obach,56 anyos,minyo ug nagpuyo sa maong lugar diin nabawi gikan kaniya ang 20 gramos sa gitoohang shabu.
Moabot usab sa unom ka bulan ang pagpaniid sa kapolisan ayha nasikop ang maong suspek.
Kasuhan sa pagsupak sa Republic Act 9165 o Comprehensive Dangerous Drugs Act of 2002 ang suspek ugmang adlawa.
