CAGAYAN DE ORO CITY – Atubangon sa suspected drug pusher ang kasong pagsupak sa Comprehensive Dangerous Drugs Act of 2002 sa korte ning syudad.
Kini human nadakpan sa Regional Police Drug Enforcement Unit 10 ang usa sa duha ka target unta dakpon sa Zone 3,Brgy Bugo ning syudad.
Unang giila dinakpan nga si alyas JM,33 anyos samtang ang prime target nga si alyas Cocoy ang nakasibat sa maong operasyon.
Nabawi sa RPDU 10 gikan sa dinakpan ang 200 gramos nga gitoohang shabu nga dunay kantidad nga P1.3 milyon.
Si Alyas Cocoy ang nabaniug usab nga dunay koneksyon sa kanhi kalihukan sa ubang mga ilegal operasyon sa droga.
Kasamtangang detinado ang dinakpan sa mini-cell sa Puerto Police Station.
