CAGAYAN DE ORO CITY – Nadakpan sa hiniusang pwersa sa PDEA-10 ug kapolisan ang giilang “drug queen” nga naglihok sa lungsod sa Opol,Misamis Oriental kagabii.
Giila ni Opol Police Station commander C/Insp Randy Anito ang suspek nga si Cindy Sarip Sangcopan, 54, minyo ug molopyo sa Zone 5, Barangay Barra sa maong lungsod.
Pinaagi sa search warrant nga gi-isyu ni RTC Branch 18 Executive Judge Dennis Alcantar miresulta ang ilang operasyon sa pagkumpiskar sa upat ka dagkong sako sa shabu nga nagkantidad sa P800,000 ug usa ka unit sa Nissan Navarra nga may plakang PQK 528.
Ning adlawa, pasakaan sa kasong paglapas sa RA 9165 ang suspek ug wala kini piyansa.
