CAGAYAN DE ORO CITY-Gikompirmar sa PDEA-Northern Mindanao nga wala napusilan apan nabalian sa tiil ang usa ka drug pusher human madakpan sa gilusad nga drug buybust sa purok 10 Barangay Tambacan, Iligan City.
Giila sa mga otoridad ang suspek nga si Christopher Zalsos 28, molopyo sa maong dapit.
Gilusad sa hiniusang pwersa sa PDEA ug NBI ang operasyon, kundiin misulay pa ug eskapo ang suspek.
Unang gilakag sa mga operatiba ang suspek ug nakiglayog hinungdan nga nabalian sa tiil.
Gibantayan karon sa PNP Station-4 Iligan sulod sa hospital ang nadakpan nga suspek.
Nakuha sa iyang posisyon ang daghang sachet sa shabu.
Nagdumili una pagdeklarar ang PDEA sa presyo ug timbang sa nakompiskar nga ginadiling druga.
