CAGAYAN DE ORO CITY – Napatay sa kapolisan ang DI listed drug personality kay giingong misukol samtang gipaubos sa drug buy bust operation sa Purok 6,Brgy Talahiron,Kibawe,Bukidnon.
Giila ni Capt Jerick Jay Tingson,hepe sa Kibawe Police Station ang suspek nga si Bryan Bao,32 anyos,minyo ug nagpuyo sa maong lugar.
Miingon si Tingson nga nabantayan sa suspek nga pulis ang gika-transaksyon niini hinungdan mihulbot sa iyang kalibre 45 nga armas ug namusil.
Naigo ang lawas ni Staff Sgt Orcajada apan wala kini maunsa tungod sa gisul-ob niini nga bullet proof nunot sa maong operasyon.Gidala pa sa ospital ang suspek apan deklarado na kini wala na’y kinabuhi.
Narekober gikan sa suspek ang armas,motorsiklo ug ang pipila ka sachet sa gitoohang shabu ug marked money nga gigamit sa transaction.
