CAGAYAN DE ORO CITY -Nakakuha’g simpatiya si PNP chief Gen Rommel Marbil kabahin sa iyang gisulti nga dili makonsidera nga adik kadtong mga indibidwal nga talagsa ra tiggamitan sa illegal nga droga.
Kini human nabulit sa pagsaway ang heneral kon nganong ingon adto ang iyang nasulti kabahin sa maong isyu.
Gibutyag ni Atty. Antono Soriano,convenor sa CWGG 10 nga dako’g kalainan ang pagsilbing illegal drug taker kaysa drug dependent.
Kini tungod kay mas peligro ang nagumon sa illegal nga droga nga maglisod na’g gawas kaysa tagsa ra mogamit tungod sa panginahanglan sa trabaho.
Hisayrang namugos ang Kampo Krame nga na out of context lang sa kadaghanan ang gisulti sa heneral.
