CAGAYAN DE ORO CITY – Nadakpan ang suspected pusher dihang gihap-an sa mga operatiba sa City Drug Enforcement Unit ubos sa Cagayan de Oro City Police Office o COCPO pinaagi sa hugot nga koordinasyon sa Philippine Drug Enforcement Agency 10 sa Brgy Bugo ning syudad.
Miingon si PDEA 10 regional director Atty. Benjamin Gaspi nga maoy nadakpan sa maong operasyon si alyas Kinno,36 anyos nga nakuhaan sa 70 gramos nga gitoohang shabu nga adunay kantidad nga 476-mil pesos.
Siya miingon nga ang pagka-dakpan sa maong suspek ang resulta sa maayong koordinasyon tali sa PNP ug PDEA batok sa mga naglihok nga suspected street pushers sa Northern Mindanao.
Gitakdang kasuhan ang suspek sa pagsupak sa Comprehensive Dangerous Drugs Act of 2002 sa piskalya ugmang adlawa.
