CAGAYAN DE ORO CITY -Nag-atubang sa kasong pagsupak sa Comprehensive Dangerous Drugs Act of 2002 ang 57 anyos nga target suspect sa anti-illegal drugs operation sa hiniusang puwersa sa Cong. Pedro Romualdo Complex,Ugmad Site,Balbagon,Mambajao,Camiguin.
Giila ni Philippine Drug Enforcement Agency 10 Director Atty. Benjamin Gaspi ang dinakpan nga si alyas Nestor nga napuyo sa Brgy Naasag sa maong lungsod.
Miingon si Gaspi nga maoy nangulo sa operasyon mismo ang Mambajao Police Station nga giabagan usab sa ilang puwersa rason nadakpan ang suspek ug nabawian sa 6-mil 800 pesos nga gitoohang shabu.
Siya miingon nga mas napadali ang pagsignit sa dinakpan tungod sa lig-ong panaghiusa sa Philippine National Police ug PDEA sa pakigbatok sa illegal nga droga nga kaylap pa gihapon sa Northern Mindanao.
Kini ang pinakaunang operasyon nga nakasa sa PNP ug PDEA sulod ning tuiga.
