CAGAYAN DE ORO CITY – Posibleng mismo si kanhi Pres Rodrigo Duterte ang biktima ug naigo sa mga tinud-anay nga magkaribal sa drug lords nga naglihok dinhi sa nasud.
Kini human isulti ni Police Lt Col Jovie Espenido nga nagsilbing labing dako nga organized crime group ang kapolisan ilabina pag-abot sa isyu sa ilegal nga droga.
Namahayag si Atty Antonio Soriano,convenor sa CWGG 10 nga dili imposible nga gisakyan sa mga tinud-anay nga magkaribal ng mga sindikato ang war on drugs policy sa kanhi Duterte administration diin may mga napatay apan posibleng mga kaatbang nila sa mga ilegal nga kalihukan.
Una nang gisulti ni Espenido nga dunay gipatuman nga quota ug reward system ang kanhi administrasyon sa war on drugs diin ang salapi nga gigamit gikan sa nagkadaiyang ilegal nga tinubdan.
Dugang usab ni Soriano nga walay mahitabo nga kabag-uhan ang kahimtang sa nasud kon pabiling ipatuman ang 1987 constitution.
Kini ang rason nga gisugyot niini nga angayang usbon na ang konstitusyon nga pabiling gisunod sukad natukod sa panahon ni kanhi Pres. Corazon Aquino.
Miingon si Soriano nga kon dili gusto sa katawhan nga makatungog ug makasinati sa nagkadaiyang tinunto sulod sa gobierno,angayang usbon ang batakang balaod nga mipagrabe sa kangil-ad sa pagpadagan sa pangagamhanan sa nasud.
