CAGAYAN DE ORO CITY- Kumbinsido karon si PDEA Dir Gen Aron Aquino nga daghang naglihok nga suspected druglords nga naglihok dinhi sa rehiyon.
Kini human nakuhaa’g green book si Maasim Mayor Anecito Lopez Jr sa Saranggani Province diin nakita ang 10 hangtod 15 ka pangalan ug may destinasyon sa Cagayan de Oro ug Ozamiz City.
Gibutyag ni Aquino sa eksklusibong interbyu sa Bombo Radyo nga imposible nga walay sinaligan si Lopez dinhi sa rehiyon ilabina nga kabahin ang Cagayan de Oro nga agian sa shabu ayha makabalik ang shipment padulong sa Saranggani Province.
Si Lopez ang giila nga druglord sa listahan ni Pres Rodrigo Duterte hinungdan nga napugos pagtahan sa kang Aquino sa pinuy-anan ni Sen Manny Pacquiao sa General Santos City sa miaging semana.
Samtang wala gisalikway ni Aquino nga may naglihok nga laboratory sa shabu nga naglihok sa Northern Mindanao.
Gihimo ni Aquino ang pahayag tungod sa pagkasikop ni Lopez diin nakuhaa’g 5 milyones nga balor sa shabu sa safehouse niini sa miaging semana.
Giangkon ni Aquino kinsa deputy regional director usab sa PNP-10 kaniadto nga dakong hagit kanila ang pagtumbok sa lokasyon sa posibleng shabu laboratories ning rehiyon.
