CAGAYAN DE ORO CITY-Nasikop sa hiniusang puwersa sa kapolisan ang gikantapang suspected druglord nga naglihok diha sa Brgy Bugo ning syudad kagahapong sa hapon.
Kini human gilusad sa mga otoridad ang anti-drug buy bust operation diin nagresulta pagkasikop kang Jade Rocero alyas Jaddy diha sa Brgy Katipunan,Villanueva,Misamis Oriental.
Si City Intelligence Unit o CIU head C/Insp Ariel Philip Pontillas miingon nga nakuha gikan kang Rocero ang balor P1.3 milyon nga gitoohang shabu,kalibre 45 nga armas ingon man mga salapi.
Si Rocero ang giingong bigtime supplier sa shabu sa kalungsuran sa Misamis Oriental.
Si Pontillas namahaya nga dinhi sa syudad na-detiner ang suspek samtang ipasaka ang kaso sa piskalya sa probinsya kay sa Villanueva man kini nasikop.
