Nahasol ug nahimong dugang palas-anon alang sa pipila ka sumasakay ang pagpatuman sa City Ordinance No. 10551-2007 sa Cagayan de Oro sanglit nakadugang kini sa ilang kalagot tungod sa mas taas ug mas mahal nga biyahe.
Apan gitin-aw sa estudyante ug student leader nga si Gayle G. Escobido nga bisan pa man sa maayo ug organisado nga sistema sa transportasyon nga tumong niini, iyang giingon nga dili gyud kini dapat makahatag og dugang problema sa mga commuters.
Molaom ang student leader nga matagaan og pagtagad ang sitwasyon karon sa mga trabahante ug mga estudyanteng sama niya nga adlaw-adlaw nagbiyahe gikan pa sa kasilinganang munisipyo tungod kay imbes nga mas mahimong sayon ang commute, nahimo na hinuon kini nga mas dugay, mas kapoy, ug mas mahal.
Dugang pa niya, ang gamay nga dugang singko hangtod dyes pesos sa pletehan sa dyip o bus sa maong dry run phase mahimong dili ra dako nga problema sa uban, apan usa na kini ka bug-at nga palas-onon sa mga tawo nga nag-budget lang sa ilang allowance sama sa mga estudyante.
