CAGAYAN DE ORO CITY – Motabang ang Department of Social and Welfare Development -10 pagpalig-on sa kasong ipasaka batok sa duha ka sindikato nga nangulekta sa cash ayuda gikan sa ilang buhatan gamit ang pipila ka residente sa dakbayan.
Kini human angkona ni DSWD 10 spokesperson Roshelle Galia nga nakurat usab sila pagkadakpi sa usa ka Melchor Rasalo nga taga-Brgy Canitoan nga misulod sa maong modus operandi gamit sa buhatan ni Cong Rufus Rodriguez aron makangilad.
Miingon si Galia nga tungod sa hitabo,mopatuman sila sa bag-ong sistema aron dili na masubli nga makapangilad ang maong klase sa mga tawo sa mga buhatan sa gobierno.
Una nang gikatingala sa DSWD-10 nga sunod-sunod ang financial claims sa 14 ka kliyente gikan sa buhatan ni Rodriguez rason nga nakig-koordinar sila ug nasuta nga tulo lang ang gihatagan nila sa referral.
Kini ang rason nga milusad sa entrapement operation ang buhatan ni Rodriguez ug kapolisan diin nadakpan mismo sa tugkaran sa DSWD sa Masterson Avenue ning syudad sa miaging semana.
Kasuhan sa kapolisan sa kriminal si Melchor apan ang gitumbok nga ‘Rene’ nga taga-Barangay Lapasan nga pinakautok sa maong modus-operandi.
Hisayrang sa kada-release sa P10-mil cash assistance sa DSWD,2-mil pesos lang ang makuha sa na-recruit ug ang sobra bahin-bahinon sa mga suspek.
