CAGAYAN DE ORO CITY – Mi-apelar ang DSWD-10 sa mga sakop sa mga pamilya nga hataganan sa ECQ special ayuda nga istrikto nga obserbahan ang social distancing (SD) samtang mosulod ang taga- city hall sa mga brgy syudad.
Kini human nakaabot sa atensyon sa ahensiya nga gasunod-sunuron sa pipila ang mga cashier nga nagdala-dala sa salapi nga alang sa mga tagaan sa maong ayuda.
Miingon si Oliver Inodeo sa DSWD 10 nga unta maghulat na lamang ang mga tagbalay kay maoy gilikan sa mga house-to-house visit ang posibleng impeksyon sa COVID-19 ilabina nga may pipila ka empleyado sa city hall ang wala’y mga bakuna.
Gipasalig niini nga magpadayon ang pag-release sa maong ayuda bisan kon matapos na ang ECQ restrictions sa syudad sugod ugmang adlawa.
Samtang nakaandam ang Police Regional Office sa paghatag sa igong seguridad sa mga gitahasan nga mga empleyado sa city hall nga maoy mohatag sa ECQ ayuda alang sa mga residente ning syudad.
Kini bisan kon pabiling negatibo sa mga dili maayong hitabo nga nasinatian ang city hall workers nga nanghatag sa mga brgy sa maong ayudad.
Miingon si PRO-10 spokesperson Lt Col Michelle Olaivar nga obligasyon nila kuyog ang militar nga bantayan ang mga empleyado sa gobierno nga migahin sa ilang oras pagsilbi sa katawhan sa dakbayan.
Mihangyo usab kini nga unta motabang pagbantay o dili awayon sa pipila ka residente ang mga empleyado nga igo ra gisugo sa pagpanghatod sa ayuda.
