Gitudlo sa Department of Social Welfare and Development (dswd) City Link ang mga Basic Disaster Risk Reduction practices sa mga katawhan isip kabahin sa preparasyon sa panahon sa katalagman, sama nalang sa nahitabong 8.7 magnitude nga linog sa katubigang bahin sa Russia, kagahapon.
Gibutyag ni Lily Ricka Mi-ot, sa DSWD City Link nga adunay awareness campaign nga gihimo sa ilang buhatan aron edukaron ang mga residente sa syudad kabahin sa mga kalamidad sama sa epekto sa grabeng linog nga makamugna sa tsunami waves, pagbaha, ug uban pang katalagman nga angay pag-andaman aron makalikay sa kadaut.
Mahinumduman nga ang syudad adunay unom ka identified hazards, kundiin sa panahon sa pag-igo sa katalagman mas makunhuran ang mga tawong kaswalties, ilabe na kung kini man-made o gama sa tawo nga kalamidad.
Gi-awhag ni Mi-ot ang publiko nga magpakabana sama nalang sa mga nagpuyo sa baybayon, low lying areas, ug kadtong nagsaka sa mga high rise building nga magbaton sa igong presence of mind kung dunay mu-igo nga kusog nga linog sa syudad.
