CAGAYAN DE ORO CITY – Nakaandam mohatag dili lamang food packs apan bisan ayudang pinansyal ang DSWD-10 alang sa mga pamilya nga apektado sa panginabuhian epekto sa ECQ restrictions dinhi sa syudad ug Gingoog City.
Kini ang katin-awan ni DSWD-10 regional director Mari-Flor Dollaga atubangan sa Coordinated Operations to Defeat Epidemic Team nga mibisita sa syudad.
Miingon si Dollaga nga gipangayuan na nila’g mga dokumento sila City Mayor Oscar Moreno ug City Mayor Eric Cañosa aron ipadala sa DSWD-Manila alang sa aprobal niini.
Samtang naghangyo na’g Department of Labor and Employment -10 sa ilang central office aron matunol sa duha ka syudad sa rehiyon nga ubos sa Enhanced Community Quarantine.
Gibutyag ni DOLE-10 Director Albert Gutib nga anaa sa 70-milyones pesos ang ilang gipangayo nga gitagana sa 11-mil ka apektadong mamumuo sa syudad ug Gingoog City.
Namahayag si Gutib nga kon ugaling ma-aprobahan,makadawat niini ang displaced workers sa maong mga syudad.
Dugang sa opisyal nga inisyal sila nga nagbaton sa uno milyon pesos nga pondo nga mahimo nang ma-avail sa mga intresadong displaced workers.
