Gipamatud-an sa buhatan sa Department and Social Welfare Development Region 10 ug Disaster Risk Reduction and Management Division sa rehiyon ang gireport ni Pangulong Ferdinand Marcos Jr.
sa iyang ika-5 nga State of the Nation Address o SONA niadtong Hulyo 27, Lunes, nga nagpagawas ang gobyerno og labaw sa ₱3 bilyon nga tabang para sa mga pamilya nga naapektuhan sa mga linog ug kusog nga pag-ulan sa Visayas ug Mindanao.
Mismong ang DSWD Region 10 mi-augment matod pa og 100,000 ka family food packs ngadto sa Region 12 aron matabangan ang mga pamilyang naigo sa maong mga katalagman.
Gawas pa niini, gipadayag ni DRRMD Head Shaira Agulan nga nagpadala usab sila og 30 ka sakop sa Quick Response Team nga gilangkuban sa mga eksperto sa camp coordination, mga cook sa mobile kitchen, ug mobile command center.
Duyog sa maong aksyon, nakatabang og maayo ang ilang mga IT staff pinaagi sa pagporma og digital profiling system. Busa, mas napapaspas ug napadali ang pag-ila sa mga apektadong pamilya aron gilayon nilang madawat ang gikinahanglang humanitarian assistance.
