CAGAYAN DE ORO CITY-Gitangtang sa iyang trabaho isip ‘on call driver’ ang empleyado sa DSWD-10 nga nasikop pagkalambigit sa illegal drugs operation sa Agora, Brgy Lapasan sa syudad.
Kini human barugi ni DSWD regional director Nestor Ramos ang istrikto nga palisya batok ilegal nga droga nga maghitak sa ilang ahensiya.
Miingon si Ramos nga gikadismaya pag-ayo nila nga nasikop sa kapolisan si Martin Pamisa,minyo nga taga- Brgy Lapasan apan magsilbi usab kining pahimangno sa uban nga anaa sa susamang kalihukan.
Si Pamisa ang gikasuhan na sa kapolisan sa piskalya batok pagbaligya sa ilegal nga droga sa syudad.
