CAGAYAN DE ORO CITY-Gihagit sa Dept of Trade and Industry o DTI-10 ang naglangkob sa Freeman Traders Club nga atubangon ang pagpatawag sa konseho sa syudad.
Kini human unang nagpa-rehistro isip consultancy services ang maong grupo sa DTI apan ‘online currency investment’ ang kasamtangang gitanyag nila sa publiko.
Miingon si DTI regional spokesperson Atty Fel Brillantes nga may mga nag-reklamo na nga investors batok sa maong club hinungdan angay atubangon ni Mark Freeman ang ipatawag nga imbestigasyon alang kanila.
Nasayran nga dili lamang city hall employees apan bisan mga pulis ug magtutudlo ang nag-invest gamit ang encrypted ‘plutos coins.’
