CAGAYAN DE ORO CITY – Gihupay sa Dept of Trade and Industry o DTI-10 ang kabalaka sa online barter trade sellers nga sila gukdon ug dakpon.
Kini human unang gibutyag ni DTI Sec Ramon Lopez nga ilegal ang pagpahigayon sa barter trade kay wala makasubay sa balaod.
Gibutyag ni Atty Fel Lester Brillantes,chief sa DTI Devt Specialist nga kon personal ug dili lamang molambigit sa panalapi ang pagbarter sa katawhan nga apektado sa bayrus walay balaod nga nasupak niini.
Una nang nakadawat sa pagsaway sa publiko ang DTI tungod sa giluwatang komento ni Lopez.
