Gitambagan ni DTI Misamis Oriental Provincial Director Jesusa Abear ang tanang mga ginikanan ug mga guardians nga hugot nga susihon ug pilion pag-ayo ang mga school supplies alang sa ilang mga anak.
Nunot niini, gipahinumdoman sa direktor nga dako og matabang ang pag-check sa ilang gihatag nga price guide aron makabaton og hustong basehan sa pagpamalit.
Subay niini, gipasiugda ni Abear nga usa kini sa mga katungod sa konsumante nga mao ang right of choice o ang katungod sa pagpili.
Dugang pa, giawhag usab niya ang publiko nga dili lang presyo ang tan-awon kondili lakip na usab ang kalidad sa mga produkto nga paliton.
