Malaumon ang pamahayag ni DTI Misamis Oriental Provincial Director Jesusa Abear kabahin sa maayong dagan sa ilang gihimong pag-monitor sa mga presyo sa mga school supplies karong balik eskwela.
Hinuon, gipasalig sa maong buhatan nga sa pagkakaron wala silay natala nga bisan unsang tindahan o dagkong mall nga nag-overprice sa ilang mga gibaligya nga mga gamit alang sa balik-eskwela.
Dugang pa niini, gitin-aw sa direktor nga wala pa usab sila nakapadal-an og letter of inquiry sa bisan kinsa tungod kay wala silay nakitang kalapasan sa mga major retail stores.
Busa, makasiguro ang publiko nga ang tanang presyo sa mga gikinahanglan nga kagamitan anaa lamang sulod sa gitakdang Suggested Retail Price o SRP.
Sa ulahi, gipahibalo sa buhatan nga magpadayon ang ilang striktong pagbantay aron maprotektahan ang interes sa mga konsumante.
