Misaka pa ang ihap sa mga Hollywood actors kuyog ang ilang mga pamilya nga nagsuporta sa Harris-Walz tandem alang sa nagkadool nga 2024 November elections sa Estados Unidos.
Ang mga komedyante nga si Ben Stiller ug Chris Rock pulos mi-tug-an kang Ophray Winfrey kung unsa ka excited ang ilang pamilya ug anak nga mga first time voters sa nagkaduol nga piliay.
Si Stiller mi-angkon nga lahi ang dagan sa pangutukan sa mga batan-on karon ilabinanga mas gusto nila ang gobyerno nga mo-protektar sa ilang sexual reproductive rights.
Samtang si Chris namugos nga panahon na aron ipatagamtam ang bag-ong Amerika.
Ang iladong American host nga si Oprah kumbinsido nga daghang Black women organizations ang musuporta sa kandidatura ni Vice President Kamala Harris ug sa iyang bise-presidente nga si Minnesota Gov. Tim Walz. (Bombo Anne Quileste).
