CAGAYAN DE ORO CITY-Gi-depensa sa kapolisan ang pagka-patay sa laing suspected drug pusher sa joint operation sa Vamenta Subdivision, Brgy Barra, Opol, Misamis Oriental.
Kini human unang namusil gamit ang kalibre 38 nga armas ang suspek nga si Arnold Salarda, 23 anyos nga taga-Brgy Bulua sa pulis nga gika-transaksyon niini sa pagbaligya’g gidiling droga sa maong lugar gabii.
Miingon si Misamis Oriental PNP spokesperson Sr/Insp Arlyn Ranario nga kalit lamang mibunot sa armas ang suspek kay pusilon unta niini ang pulis apan naunhan na kini sa Provincial Drugs Enforcement Unit ug Opol PNP hinungdan sa kamatayon niini.
Gidali pa pagdala sa ospital ang suspek apan patay nang naatiman sa mga doktor.
Narekober gikan kang Salarda ang sachet sa suspected shabu, P500 marked money ug kalibre 38 nga armas.
