Mulusad sa mas lapad nga awareness campaign ang Department of Trade and Industry (DTI) alang sa pag-promotar sa kaayuhan sa mga konsumante o “consumer rights protection”, inubaban sa sihag ug patas nga negosyo sa merkado.
Alayon sa selebrasyon sa Consumers Welfare Month, sa tibook bulan sa Oktobre, miingon si Jesusa Abear, Provincial Director sa DTI Region-10 nga ang tema ning tuiga mao ang “Bida ang Consumer sa Bagong Pilipinas.”
Sulod sa usa ka bulan, ilang tudluan ug padumduman ang mga consumers nga sila adunay dakung papel sa kalambuan ug pagpanalipod sa ekonomiya sa nasud.
Gipaniguro sa DTI nga ang ilang kalihukan masabtan aron mas mahimong hapsay ug luwas ang dagan sa merkado. Hisayran nga ang selebrasyon, naka-angkla sa Presidential Proclamation No. 1098 ug napatuman sa tuig 1997.
Contributor: Bombo James Oliver
Interviewed by: Bombo Jerome Bacud – Zona Libre
