CAGAYAN DE ORO CITY – Na-cull na ang anaa sa 60 ka baboy ang napailalom sa culling sa Brgy Oguis, Initao, Misamis Oriental.
Kini human nalakip ang maong barangay nga nasudlan sa African Swine Fever sa nasampit nga lungsod.
Gibutyag ni Oguis Brgy Kap Virgilio Macalaguing nga nagtoo sila nga ang gapamaligyag mani nga miabot sa Brgy Jampason ang nagkadala sa ASF sa ilang dapit.
Samtang nagpatabang na usab kini kang Initao Mayor Enerito Acain kay pipila sa ilang backyard hog raisers ang nagdumili sa pagsanong nga i-surender ang mga binuhi bisan nakasulod sa 500 meters radius ASF ground zero.
Una nang mitala sa mil- 070 ka baboy ang napatay sa lalawigan tungod sa ASF infections nga unang gitoohan nga gikan sa Iligan City.
Sa pikas bahin,dili una prayoridad sa City Veterinary Office ang pagkaso sa mga tawong gapamaligyang sa karneng baboy nga gisuspetsahang naigo sa African Swine Fever o ASF.
Gibutyag ni City Veterinary Office head Dr. Lucien Anthony Acac nga maoy pukos nila ang pagtutok sa pagpugong sa pagkatag sa ASF.
Nabantayang mga byahedor ang gatuyok sa syudad ug gapamalit sa baboy pinaagi sa barato nga presyo.
Hisayrang halos anaa sa napulo ka brgy na ang nasudlan sa maong sakit sa mga baboy.
