PC:CdeO’s CIO
CAGAYAN DE ORO CITY-Gisubhan ni City Mayor Oscar Moreno ang katukuran sa tulo ka andanang city public hospital sa Sitio Umalag sa Brgy Tablon ning syudad kaganihang buntag.
Kini sa tuyo nga mapasayon ang paghatag sa serbisyong medical sa katawhan sa syudad ug mga silingang mga lugar sama sa Misamis Oriental ug Bukidnon.
Miingon si Moreno nga ang katukuran sa maong ospital ang pagtuman gihapon sa eight point agenda niini mga programa dinhi sa syudad.
Ikaduha kini nga natukod nga dugang ospital diin una gisubhan ni Moreno sa Brgy Lumbia sa syudad sa tuig 2017.
