CAGAYAN DE ORO CITY – Hatagan sa dinalian nga aksyon sa Mindanao Affairs Committee sa Kamarabaha ang hangyo sa libuang mga bakwit nga pito ka tuig nang pakyas pa gihapon makuha ang hingpit nga mga benepisyong gisaad sa gobierno sa Marawi City,Lanao del Sur.
Kini ang tubag ni Mindanao Affairs Committee chairman Misamis Oriental 2nd District Cong. Bambi Emano nunot sa ilang pagsusi sa aktuwal nga kahimtang sa main battle area sa maong syudad ug naminaw sa sulti sa mga opisyal nga nag-atiman sa pagbangon niini gikan sa pagkagusbat sa lima ka buwan nga giyera.
Gihimo ni Emano ang pasalig isip tubag sa hangyo usab ni Lanao del Sur 1st District Cong. Zia Alonto Adiong nga saksihan sa ubang Mindanaon ug Luzon congressmen ang ulahing kahimtang sa katawhan sa Marawi City nga nagguba pag-ayo sa maong giyera.
Apil sa hataga’g prioridad sa komitiba ang koneksyon sa koryente,tubig ug mismong housing units nga mapuy-an sa libuang mga pamilya nga apektado sa kagubot niadtong Mayo 2017.
Dumduman nga pakyas makab-ot ni kanhi Pres Rodrigo Duterte ang pagpabalik nga normal sa Marawi City kay naabtan sa paghupas sa iyang termino apan wala pa mahuman ang daghang kabag-uhan nga gihatag niini gikan sa national govt.
Napukaw usab ang atensyon sa Kamarabahay kay naglihok-protesta ang Marawi Consensus Group sa Marawi City Rizal Park kay ubos kaayo ang bayad nga gihatag sa compensation board bugti sa damyos nga nahitabo Marawi Seige.
