CAGAYAN DE ORO CITY-Gipuli-puliha’g inom sa teroristang ISIS-Maute ang dugo sa sundalo nga ilang gisalod sa gamay’ng tasa human nila maputli’g ulo sa Marawi City.
Kini ang giyagyag sa sibilyang Krisitiyano nga survivor nga nakasaksi sa pagpangatake sa mga terorista diin nadakpan ang pipila ka sundalo nga naghatag proteksyon sa mga residente sa Barangay Marinaut sa maong syudad.
Gibutyag ni Michelle Palacio nga nasaksihan niini kon giunsa pagputol sa mga terorista ang ulo sa ilang dinakpan nga sundalo ug gisalod ang dugo ayha gipuli-puliha’g inom.
Gani,diriyot pa sila masikop kuyog ang laing mga sibilyan apan maayo na lamang kay miabot ang mga army helicopter ug gibombahan ang mga terorista ug nakasibat sila padulong sa Lake Lanao aron makapangayo’g tabang sa mga sundalo.
