CAGAYAN DE ORO CITY, Philippines – Subling gipakita sa Bombo Radyo Philippines Network, ang gahom sa panaghiusa sa komunidad ug bolunterismo sa paglusad sa Dugong Bombo 2024: A little Pain, A life to Gain- nationwide simultaneous bloodletting activity.
Nakatigom ang proyekto sa halos 2 milyon CC o matandi sa dul-an 2,000 – litro, 524 gallons o 10 ka drums sa dugo.
Nagsumikad kini sa sobra 4,400 blood donors sa tibuok nasud diin nagpakita sa pagka-mabayanihon sa katawhan.
Sa pagtinabangay sa Bombo Radyo Philippines Incorporated ug Philippine Red Cross, nagsilbing ehemplo ang Dugong Bombo sa pagsakripisyo ug dedikasyon sa pagtubag sa kritikal nga panginahanglan sa dugo sa blood bank sa nasud.
Ang hugot nga suporta ug pagtambong sa kalihukan, nagpakita sa lawom nga pagsalig sa katawhan sa Bombo Radyo Philippines.
Kami nagpasalamat sa mga blood donors nga milampos, ug bisan kadtong wala makadonar, lakip na sa mga sponsor nga naghatag sa kontribusyon ug yawe sa kalampusan sa programa nga walay makatupong.
Subli, nagpasalamat ang BOMBO RADYO PHILIPPINES NETWORK kaninyong tanan!
Ania si Philippine Red Cross CEO ug overall chairman Richard Gordon, kinsa nagpasalamat sa Bombo Radyo Philippines Network sa walay makatupong nga single day bloodiest project matag tuig.
