CAGAYAN DE ORO CITY-Gimanduan ni City Police Dir SSupt Nelson Aganon ang tanang mga police stations nga pangitaon ang duha ka mga personahe nga nagpost sa fake news sa social media nga Facebook.
Kini human naghatag alarma sa mga residente ang peke nga balita may kalabutan sa pagpamomba.
Matud ni CoCPO spokesperson Supt Mardi Hortillosa nga kinahanglang hatagan sa leksyon ang duruha aron dili awaton sa uban.
Gani, siya naglaum nga magsilbi kini nga pagtulon-an sa uban.
Sayran nga mabilanggo sulod sa 5 katuig ug magbayad sa multa nga P40-mil kun ugaling mapamatud-an nga nakasupak sa balaod ang duha ka mga personahe nga nagpost sa fake news.
Si CoCPO spokesperson Supt Mardi Hortillosa miingon nga dakong kasupakan sa balaod ang pagpakatag sa pekeng balita ilabina may kalabutan sa bombing incident ug uban pang pagpanghinadlok sa publiko.
