CAGAYAN DE ORO CITY – Laing duha ka mga armadong supporter sa Maute-ISIS group ang mitahan sa militar sa Barangay Matitikop, Tubaran, Lanao del Sur.
Sumala pa ni 103rd Infantry Brigade Commander Brigadier General Romeo Brawner, Jr. nga bitbit sa mga surrenderee ang duha ka caliber pistol ug mga bala.
Siya miingon nga ang mga surrenderee maoy gahatag suplay sa grupo sa namatay’ng Local Terrorist Group leader nga si Owayda Marohombsar alyas Abu Dar.
Hisayran nga si Abu Dar ug tulo ka mga kauban niini ang napatay sa militar atol sa engkwentro sa Barangay Dinaigan, Tubaran, Lanao del Sur.
