CAGAYAN DE ORO CITY – Nasikop sa gipahigayong entrapment operation sa mga otoridad ang duha ka miembro sa organisadong swindler o budol-budol group sa syudad kagabii.
Giila ang mga dinakpan nga sila si Eric Marangit nga taga-Misamis Oriental ug Jerom Amarele nga molopyo sa Dipolog City.
Gibutyag ni Police Captain Mario Mantalla, hepe sa Crime Against Persons and Property Desk o CAPPD nga maoy modus sa mga dinakpan ang pagpamaligya sa peke nga epektos gamit pagkuha sa bulawan rason nga gipahigayon ang operasyon.
Narecover sa posisyon sa mga suspek ang 700-mil pesos nga budol-budol money, 1 ka box sa epektos, 2 ka kalibre 38, granada ug ang sakyanan nga inova.
Dugtong ni Mantalla nga kon wala madakpi ang mga suspek, padulong unta kini sa Zamboanga aron didto mopadayon sa pagpangilad.
