CAGAYAN DE ORO CITY – Nasikop sa gilusad nga operasyon sa Special Investigation Task Group o SITG ang duha ka person of interest o POI sa kamatayon ni Napaliran Barangay Kapitan Claver Miral nga taga-Balingasag,Misamis Oriental.
Kini human wala hunungi sa SITG-Miral ang pag-imbestigar sa pag-ambush-patay kang Miral sa utlanang bahin sa Jasaan ug Balingasag ning lalawigan sa miaging semana.
Miingon si Misamis Oriental Provincial Police Office Director Police Col Rolando Destura,hepe sa STIG-Miral nga kabahin sa gidakop aron imbestigaran sila si Lary Camama ug Cherry Ann Salvacion kinsa pag-umangkon sa bise-mayor sa maong lungsod.
Dugang ni Destura nga gihulat pa niini ang opisyal nga report gikan sa SITG-Miral kon unsa’y nakuha sa pinuy-anan sa duruha nga gipaubos sa search warrant operations sa maong lugar.
Una niini,namugos si Destura nga dili politika ang motibo pagpatay kang Miral apan may laing anggulo nga gitutukan nila sa hitabo.
