Gipagawas sa tigpamaba sa Bavarian police nga si Martin Cornils nga gisugdan na ang dinalian nga imbestigasyon aron masayran ang hinungdan sa pagkabalitok sa usa ka bus nga nagdala og mga touristang Pilipino sa habagatang bahin sa Germany.
Subay niini, nakalas ang kinabuhi sa 2 ka Pilipino samtang 19 ang naangol human sa aksidente nga nahitabo sa A96 highway sa dihang padulong ang sakyanan gikan sa Milan paingon sa Oktoberfest sa Munich.
Taliwala sa maong trahedya, gipadayag sa pulisya nga nagpadayon ang paningkamot aron mapahibalo dayon ang mga kabanay sa 35 ka pasahero nga nalambigit sa disgrasya.
Dugang pa niini, gihulagway sa opisyal nga nagkatag ang mga gamit sa mga biktima sa palibot samtang nagpaabot sa tabang ang mga naluwas.
