CAGAYAN DE ORO CITY – Gi-obserbahan pa sa mga doktor ang kahimtang sa dul-ag 20 ka tawo nga nahilo sa pagkaon sa isdang butete sa Ozamiz City,Misamis Occidental.
Kini human unang nakasinati sa pagsuka-suka ug pagkahilo ang mga biktima nga nakakaon sa butete.Nabingwit sa usa ka residente ang upat ka butete diin iyang giluto ug gipanghatag ang uban ngadto sa mga silingan.
Apan paglabay sa pila ka oras,hinay-hinay nga nagsakit ang tiyan,nagsuka-suka ug naminhod ang ilang kalawasan hinungdan gipangdala sa ospital.
Dugtong niini,ipaubos sa laboratory exam ang sample sa butete nga nakaon sa dul-ag 20 ka residente.
Giila ang maong isda nga sobra ka delikado hinungdan nga dili kini angay kaon kon dili maantigo paglimpyo sa dala nga hilo niini.
