CAGAYAN DE ORO CITY-Kasuhan sa anti-illegal gambling law ang dul-ag 20 ka tawo nga naggikan sa pipila ka lungsod ug syudad sa Misamis Oriental.
Kini human sila masikop sa magkalahing anti-illegal gambling operations sa kapolisan sa miaging semana santa.
Miingon si Tagoloan Police Station commander C/Insp Albart Tare nga kabahin sa mga nasikop sila si Danilo Brigula;Eddie Jalampagan ug Narciso Molato nga nasapon nga nalambigit sa sabong sa Brgy Baluarte sa maong lungsod.
Samtang naaresto usab sa grupo ni Gingoog City Police Station commander Supt Ariel Philip Pontillas ang mga suspek nga sila si Brgy Kag Agustin Gabucan;Albino Ramoso;Randy de la Penia;Bernard Magada;Bimby Bernaldez
Junrey Cabactulan;Orlando Daling;Penzar Payloangco;Ruben Candano ug Ricmundo Aguilar sa San Luis sa maong syudad.
Samtang mag-atubag usab sa susamang kaso sila si Maximo Rubi;Marlon Peligro;Edgardo Ortiz ug Princess Sebial nga nasikop sa lungsod sa Talisayan ning lalawigan.
Nasayran nga ang mga suspek,aktong nalambigit sa illegal cockfighting;paghantak ug pagdula’g braha nga gidili mismo sa semana santa hinungdan nga sila detinado ning panahona.
