CAGAYAN DE ORO CITY-Nawad-an sa pinuy-anan ang dul-ag 30 ka tawo sa pagkasunog sa boarding house nga gipanag-iya ni Elsa Eguilos sa Zone 4,Brgy Sta Cruz,Tagoloan,Misamis Oriental kagahapon sa buntag.
Kini human nagkamugna’g kalayo ang depektosong linya sa koryente sa alkulba nga bahin sa maong pinuy-anan.
Miingon si BFP-Tagoloan sub-station investigator FO3 Jonie Ben Echeveria nga nalakip usab sa pagkasunog ang junkshop nga gipanag-iya ni Rodrigo Alburo ug bodega nga gidumala ni Engr Eugene Unabia.
Hinoon,walay tawo nga naangol sa pagkasunog sa maong mga gambalay diin dunay structural damage nga 150-mil pesos.
